Tuta Dil

Jab dil tuta toh yaad kiya,
Jab saath chuta toh fariyaad kiya,
Jab mein aayi saamne, toh usne haskar bola,
"Maine toh bas ye mazaak kiya!".

Royi toh bohot uski baat sunke,
Chup thi uske hi khwaab bunke,
Usne toh phir dekha bhi nahi mujhe,
Par mein khush thi usse ittefaq se milke!

Dil ko jab bhi uska khayaal aaya,
Socha ke pyaar ka paigaam aaya,
Pal bhar bhul gayi thi uski baatein,
Yaad aane par apne hi dil pe ilzaam aaya!

Socha ki nikal jau uski zindagi se,
Mukt hoga wo mere pyar ki bandagi se,
Shak toh pehle bhi tha ki usko mein pasand nahi,
Samajh gayi jab usne muh moda meri dillagi se!

Maine rab se dua bhi ki toh pyaar ki,
Fariyaad ki toh sirf uss hi ek yaar ki,
Tab samajhi ki rab ki hi saazish thi,
Aur phirse mein rone lagi bekaar ki!

Anjaan thi mein rab ke iss roop se,
Akeli ladh rahi thi zindagi ki dhoop se,
Dhund rahi thi chaav registhaan mein,
Nahi mili chaav dukhi thi khude iss se!

- Misty Bhattacharya