flames hope

daig ko pa si manong at si manang sa quiapo
sa pagnanais na mahulaan ang nararamdaman mo
ang hirap mo naman kasing hulaan
gusto na tuloy kitang tanunign, bulyawan,sigawan
ano nga ba talaga kuya?
huwag mo ngang pinapasakit ang ulo ko
dahil ngayon pa lang gulong gulo na ako
meron nga ba o wala
kung wala...
bakit tuwing titingin ka parang may ibig sabihin
bakit dagling ngiti ko lang, mapapangiti ka na rin
bakit tuwing malungkot ako, handa kang tulungan ako
bakit gising ka buong gabi para lang patawanin ako
bakit hindi mo magawang bitawan ang kamay ko 'twing may pagkakataon kang hawakan ito
bakit interesado ka sa ayaw at gusto ko
subukan mong humindi, at uupakan kita
wala akong karapatan, oo nga pala
matagal mo na kasi akong pinapaisip
marami ka ngang ginagawa, hindi ka naman nagsasalita.
teka..pipi ka ba
magulo ka
ah. hindi ko nalang huhulaan
magtitiwala nalang ako sa kapangyarihan
ng flames hope na nagsasabing love-oo daw tayo