Pendant

Ye kahani hai Abhi aur Isha ki jo shayad ek doosre ke liye nahi bane they. Jo jindagi ki rah main kisi hasin mod par mile aur fir hamesha kel iye bichad gaye. Abhi ek shaadi suda ladka tha uski arranged marriage hui thi. Ladki ko ma-pitaji ne chuna tha. Kusum ek morden ladki thi  isliye  Abhi ne kusum se shaadi karne se saaf mana kar diya. Lekin parents ke insist karne par woh tyar ho gaya.
Shaadi ke baad kuch samay tak toh sab kuch thik-thak chalta raha. Jab tak nayi-nayi shaadi ka nasha chaya hua tha. Jaise hi nahsa utra life ki reality najar aane lagi. Abhi ko iss baat ka ahsaas hone laga ki kusum woh ladki nahi jis ke saath woh shaadi karna chahta tha.kusum ke ander aisi koi bhi baat nahi thi jo woh apne jeevan shaathi main chahta tha.
Lekin Abhi ek samajhdaar ladka tha usne jeevan se samjhauta kar liya tha.usne ye baat kabhi jaahir nahi hone di aur apne patidharm ko thik thak nibhata raha. Woh ghar ki shanti banaye rakhne ke liye kushum ke hisab se apne aap ko mold karta raha. Kabhi kabar dil main teesh si uthati thi par usne issi ko apni kismet samajh liya tha. Shaadi ko chaar-paanch saal beet gaye. Ek din Abhi ko apne ek purane dost ki shaadi ka card mila. Shaadi main out of station jana tha isliye woh shaadi main akela hi ja  raha tha.
Shaadi main teen-chaar dost aur mil gaye fir kuch aisa sama bandha jaise school, collage ke din wapas aa gaye hon. Abhi apne iss break se kaafi khush tha. Usi shaadi main Isha bhi aai hui thi. Abhi aur Isha ki mulakaat bilkul filmi andaaj main hui. Shaadi se ek din pahle ki baat hai. Raat ka samay tha ek dam light chali gayi. Kamre main bilkul andhera ho gaya. Abhi apne doston ke saath kamre main baitha hua tha. Jaise hi andhera hua Abhi fuse check karne ke liye kamre se bahar nikla aur udhar Isha daudte-daudte kamre ke ander ghusi hi thi ki light chali gayi. Aur Isha Abhi se takrai aur dono gir pade.
Abhi neeche gira aur Isha  uske upar jaise hi uthne wali thi ki uske gale ki chain Abhi ki shirt main fans gayi aur woh uth na saki. Girne ki awaj sun ek dost ne apni jeb se lighter nikala aur jala diya. Lighter ki roshni main dono ne ek doosre ko dekha aur dekhte hi rah gaye.
Isha bahut hi sundar thi, dubli patli , gora rang, kamar tak jhulti lambi si choti, ek haath main karib darjan bhar chudiyan, doosre haath main ghadi, kaano main bade se ear rings, naak main heeri ka koka, haatho main sundar si mehandi, chudi daar payajama aur ghutno se lamba sute bilkul ek kavi ki kalpna. Use dekho toh aisa lagta tha ki bhagwan badi fursat main garmiyon ki chuttiyon main banaya hoga. Jab hansti thi toh gaalon main gadde padte they. Aawaj aisi ki maano kaano main ras gol rahi ho. Aisa lagta tha ki koi koyal kook rahi  ho. Itni komal jaise malmal ka kapda. Itni khubsoorat ki haath lagao toh maily ho jaaye. Kisi ki  najar na lage isliye bhagwan ne chehre par ek kaala til bhi de rakha tha.
Khair ladka hamara Abhi bhi bura nahi tha. Lamba-chauda gabru jawan tha. Baaten aisi karta tha ki bolna shuru kare toh ek samha sa baandh de. Har koi uska fan ho jaata tha.

Ye toh ho gayi dono ki taarif ab aate hain actual situation par Abhi Isha ko dekh raha tha aur Isha Abhi ko, dono ek doosre ko dekh kar hairaan they. Itne main current aa gaya aur light jal padi sab unhe iss haalat main dekh kar hansne lage. Sab ki hansta dekh dono sakpaka gaye aur Isha jhatke se khadi ho gayi. Jaise hi khadi hui uske sone ki chain tut gayi.
Isha sharm se laal ho gayi aur jaise kamre main  bhage hui aai thi waise hi bhagte hue kamre se bahar chali gayi. Jald baaji main apni chain lena bhi bhul gayi. Abhi ne tuti hui chain apni jeb main daal li. Aadhi raat tak hansi majaak chalta raha. Rakesh  ke  haatho main mehandi lag rahi thi. Naach gaana chal raha tha. Rakesh ke parents uske dost yaar aur sabhi rishtedaar bahut enjoy kar rahe they.
Isha chup-chup kar Abhi ko dekh rahi thi aur rah-rah kar Abhi ki najaren bhi Isha par tik jaati thi. Aadhi raat ke baad sab sone chale gaye. Abhi bhi doston ke saath chat par sone chala gaya.  Abhi bistar par leta tha par neend pata nahi kahan gayab thi. Abhi Isha ke baare main sochne laga aur flash back main chala gaya. Jaise ki maine bataya ki Isha aur Abhi apni pahlei meeting main ek doosre ko dekh kar hairaan they.  Darasal Abhi aur Isha ki ye phli mulakaat nahi thi. Abhi aur Isha ki pahle mulakaat train main hui thi.
Rakesh jiski shaadi  ho rahi hai dehradoon main rahta hai. Train dehradoon pahunchne wali thi. Subah ka samay tha Isha apni family chota bhai aur parents ke saath first class se safar kar rahi thi. Abhi bhi first class main hi baitha hua tha. Isha washroom se bahar nikalkar train ke darwaje ke paas aakar khadi hi hui thi. Train ka darwaja khula thu ki achanak kisi ka dhakka laga aur Isha train ke bahar girne lagi. End waqt par ek haath aaya aur usne girti hui Isha ke haath ko pakad liya. Aur teji se ander kheench liya aur Isha ko girne se bacha liye. Ab ise coincidence kaho ya destiny Abhi wahan by chance hi pahuncha tha.
Jaise hi Abhi ne Isha ko ander kheencha woh ghabrakar Abhi se lipat gayi. Dar ke maare woh pasina- pasina ho gayi aur fir rone lagi. Abhi Isha ko dilasa dene laga. Puri train main halla mach gaya aur Isha ke parents daudte-daudte Isha ke paas pahunche Isha apne parents ko dekh kar unse lipat gayi aur dar ke maare behosh ho gayi.  Isse se pahle ki woh hosh main aati woh sab Abhi ka shukriya ada karte station aa gaya. Abhi ne apna saaman uthaya aur train se uttar gaya. Isha ke parents bhi train se uttare, woh Abhi ko rokne hi wale they ki  woh bheed main jaane kahan kho gaya.
Yehi sochte-sochte Abhi ki aankh lag gayi aur woh so gaya. Subah jab woh utha toh train ki ye ghatna sab ko pata chal chuki thi.har koi ise hi discuss kar raha tha. Isha ke parents ne Abhi ka dhanyawad kiya aur Abhi sahib us shaadi ke hero ban gaye. Esha kal raat ki ghatna ke baad sharm ke maare ek baar bhi Abhi ke saamne nahi aai. Bas door se hi Abhi ko notice karne lagi. Abhi ka milansaar attitude aur hansmukh chehra use bhane laga. Udhar Abhi in baton se anjaan shaadi ke kaamon se busy tha.
Esha rakesh ki cousin thi ghar ke chote mote kaam aur mehmaano ki mahmaan nawaji ka jimma usi ka tha. Isha apni iss jimmedari ko bakhubi nibha rahi thi. Woh sabhi mehmaano ko hans kar milti aur unke chai paani ka bandobast karti. Har kisi se itne pyar se milti thi jaise pahle se jaanti ho. Ghar ke kaam karte-karte Isha ka saamna Abhi se ho jata. Anhi halki si smile paas kar deta aur Isha najerin jhukai hue muskarate hui nikal jaati.
Dheere-dheere Isha ki muskurahat Abhi ke dil main ghar karne lagi. Ab Abhi ne bhi Isha ko notice karna shuru kar diya. Isha itni sundar thi ki koi bhi  uske chehre main kho jaaye. Shaadi ki raat Abhi apne black sute main tha aur udhar Isha ne chandni colour ka lahanga pahna hua tha. Aise lag raha tha maanu puranmasi ka chaand kudh jameen par uttar ka aa gaya ho. Abhi bhi Isha ki sundarta main kho gaya. Abhi chaar dino tak shaadi main raha aur in chaar dino  main hi woh Isha ko chahne laga.
In chaar dino main Abhi ek baar bhi Isha ko akele main nahi mila jab bhi mulakaat hui kaafi logon ke beech main hui. Abhi ne Isha ke baare main kaafi kuch jaan liya. Woh apne final year ke exams dekhar shaadi main aai thi. Ghar main ek chota bhai tha. Mummy house wife thi aur papa ek govt. Servant.  Woh ek middle class family ko belong karti thi. Shuru-shuru main toh Isha ki khubsoorti ne Abhi ko apni ore attract kiya par fir uski sirat ne uska dil jeet liya aur use apne aap ki chahne ke liye majboor kar diya.
Isha ke ander har woh ek baat thi jao Abhi ne apne jeevan saathi main chahi thi. Aakhir woh chauta din aa gaya jab Abhi apne ghar ko laut raha tha. Usne Isha ki tuti hui gold chain use lauta di jo usne ek sunar se judwa lit hi. Use aane wale jeewan ke liye best wishes dekar woh wapis laut gaya. Isha Abhi se bahut kuch kahna aur sun na chahti thi par kuch kah na saki. Abhi tak Isha ko ye pata nahi tha ki Abhi married hai. Isha bhi apne ghar laut gayi kariban 6 mahine ke baad Isha ko pata chala ki Abhi shaadi suda tha. In 6 mahino main Isha ne Abhi ka address jan ne ki bahut koshish ki par apne shy nature ki wajah se kisi se pooch na saki. In 6 mahino main Isha ne bahut saare sapne bun liye they.
Lekin uske ye saare sapne ek sachai ke saath tut gaye. Par woh Abhi ko doshi nahi tahra sakti thi. Kyonki Abhi ne us se kabhi bhi koi waada nahi kiya tha yahan tak ki usne Isha ke saath kabhi akele main baat bhi nahi ki thi. Ye toh Isha ka dil tha jo Abhi ki ore kheencha chal gaya tha. Use toh Abhi tak ye bhi nahi pata tha ki Abhi uske baare main kya sochta hai. Uske liye kya feel karta hai. Isha apne iss pahle pyar ko kabhi nahi bhula paii.
Udhar Abhi apne ghar pahuncha toh kushum ko Abhi ke kapde dhote samay ek pendant mila. Poochne par Abhi ne bataya ki ek dost ne apni wife ke liye kharida tha jo galti se Abhi ke paas rah gaya aur woh use wapas kar dega. Actually ye pendent tha Isha ka jo chain tut te samay Abhi ki jab main chala gaya tha. Abhi ke paas aaj bhi Isha ki woh nishani hai jise us ne aaj bhi sambhal kar rakha hua hai.
Abhi aur Isha kabhi nahi mile kya unhe milna chahiye tha kabhi na bhichdne ke liye?
********