Tip Tip barish..rim jhim jhann jhann

Tip tip barish bani rim jhim..

Rim jhim se bani jhann jhann..

Varsha sirf shuruvat me man ko bhaye..

Baad me man chahe ise door bhagaye!

Barish ayi aur layi bahar..

Saath hi laayi kechad ki phuwaar..

Chali gadi uda ke keechad hum pe..

Hum khade chillate reh gaye, “dikhta nahi kya be”

Wo kya meri sune..barish jo baje jhann jhann..

Sar par tane chata kar tan par rain coat..

Hum bhi chal diye paani me chapa chap chapa chap.

Pehle bheegi sandal..phir patloon..

Ar ab hum poore bheege huey lage cartoon.

Kapde par laga keechad ka dhabba..

Yaad bas aye detergent ka dabba.

Phir humne dekha sadak ke us par..

Wo nanhe bachche jo hanste aprampaar.

Lete huey maza barish ka muhse bole..

Didi aap bhi hamare saath hole.

Ab kisi kaam ki nai ye coaty aur chata..

Baarish me bheegne me bada maza ata.

Kheench le gaye muhe apne saath..

Bhigaya mujhe poora aur keechad bhi hua saaf.

Waah..ye varsha bhi kya khoob ayi..

Man se ghrina bhi choo mantar kar gayi.

Barish me bheeg man hua sheetal..

DIl kahe, “e ladki ab ghar chal.”

Cheenk ayegi tujhe, rang birangi dawaiyan karti tera intezaar..

Hum kahe..karne do karne do…ab main nahi ho sakti beemar.

Komal varsha chanchal varsha…lagti ab mujhe badi pyaari..

Isse se to jeeti jaagti hai ye Mumbai saari.

Kahan chali gayi tu pichle baras Varsha..

Poora shehar teri eke k boond ko tarsa.

Ab agayi hai to jee bhar ke baras..

Ab na koi paye ek bhi boond ko taras.

Mujhe jaise log tujhe kitna bhi kose..

Unki ek na sunna aur dhadake se barasna.